"Sa ku ta ku un seguro di entiero di ENK so nunka bo n' ta pèrdè loke b'a spar. Í bo por haña interes."
Entiero na Kuota
Ku un Seguro di Spar pa Entiero di Fundashon Entiero na Kuota, bo ta prepará pa e aspekto finansiero den kaso di fayesimentu. E seguro akí ta enserá ku bo ta skohe un suma total ku bo ke spar, i ku bo ta spar mensualmente pa sera e suma aki.
Asina bo yega e suma total ku bo kier spar, nos ta kuminsá paga un interes anual (simpel) for di e momento ei te na momento di fayesimentu (esaki ta e aspekto di spar di e Seguro di Spar pa Entiero).
​
Den kaso ku bo fayesé promé ku bo a kaba di sera e suma total ku bo kier spar, nos ta kompletá e diferensha entre e suma pagá na kuota mensual i e suma total ku bo kier a spar, kon tal ku bo no tabatin retraso den pago di bo kuota mensual (esaki ta e aspekto di seguro di e Seguro di Spar pa Entiero).
​
​
Tin un plaso di espera di TRES aña pa partisipantenan ku, na momento ku nan sera e seguro, tin 62 te ku 75 aña di edat.
Den kaso ku e persona en kestion fayesé dentro di TRES aña ku a sera e seguro, e seguro ta paga tur e kuotanan mensual pagá, oumentá ku 10% di interes.
Den kaso ku un asegurado fayesé despues di TRES aña ku el a sera e seguro di spar pa entiero, e seguro ta paga e suma total pa kua e persona en kestion tabata sigurá, kon tal ku e persona en kestion no tabatin retraso den pago di su kuota mensual.
